فى البدايه برحب بيكم وأسف جدا عن التأخير بس دى كانت اسباب صحيه معلش
المهم نكمل بقيت الإخلاص جبت رقم التليفون واتصلت بيها فردت وقالت مين عرفتها بنفسى فقالتلى "انا بنت خالى بتحكيلى عنك كتير واسمع عنك من زمان خير عايز ايه؟" انا بجد كنت مش عارف ابدأ ازاى بس قولتلها" بصراحه انا من يوم الخطوبه وبعد ماشوفتها وانا مش طبيعى "قالتلى ليه قولتلها بجد لما شوفتك حسيت بشئ غريب جدا من نحيتك وكنت عايز اتكلم معاكى وخلاص فقالتلى يعنى عايز منى حاجه دلوقت وبعدين انا لولا انى عارفاك وسامعه عنك احنا ممكن نكون اصحاب فقولتلها " ممكن نمشيها اصحاب دلوقت وقدام ربنا يكرمنى " قالتلى "مش فاهمه " بس هى اكيد فاهمهقولتلها بعدين وفضلت 3 ايام متصلش بيها فاتصلت بصاحبتى وقولتلها مفيش اخبار جديده عن اى حاجه قالتلى" انت عملت ايه فى البنت دى اتهبلت خلاص انت قولتلها ايه؟" قولتلها والله معملت حاجه ده انا عرفتها بيا بس مش اكتر فقالتلى" دى خلاص مش قادره وهتموت وتتكلم معاك " قولتلها "طيب سلام انتى دلوقت" ورحت متصل بيها واتكلمنا مع بعض شويه عن شوية حاجات عبيطه فى الغنى والأكل وبعد كده بقيت اتصل بيها كل يوم وبعد كام يوم قولتلها " بصراحه حوار اصحاب ده مش نافع معايا وانا بكدب عليكى انا بصراحه كده انا معجب بيكى جدا من يوم ماشوفتك وحاسس انى ربنا هيكرمنى بيكى" طبعا هى سكتت وبعدين قولتلها لازم نتقابل وبقيت بشوفها ونخرج مع بعض وكنا نقضى وقت جميل جدا وحده وحده هى كانت بتلبس لبس عادى زى اى بنت وانا بفضل ربنا كنت سبب صغير جدا فى انها تلبس الإسدال وكنت فرحان جدا وكمان تفكرها اتغير وكانتكل حاجه فيها جميله جدا
على الحال ده فترة سنتين وفى السنتين دول كنا روح واحده بجد وقابلتنا مشاكل كتيره جدا وكنا بنوقف جنب بعض زكانت بتعدى وبجد كنت بخاف عليها من الهوى الطاير